KURSO NOBO DI MEDIA

KURSO NOBO DI MEDIA

E pandemia ku nos a pasa aden a enfatisá e balor di tin más konosementu i abilidat pa trabou i entrada èkstra. Pa e motibu aki, Media School Curaçao ta start den mart ku kursonan nobo speshalmente pa tur hende ku tin pashon pa media i ke siña un abilidat nobo.

Kurso di Media

E kursonan ku ta bai start ta Fotografia, Kamara i Video Editing, Diseño Gráfiko, Krea Website, Blind typen i tambe Social Media. Nan ta lèsnan sumamente práktiko, ku lo prepara e partisipante pa traha den e area ku e ta gusta. Kursonan ta wòrdu duná dor di profeshonalnan ku tin eksperensha riba e tereno. For di hoben te hende grandi por skohe pa sigui un kurso di media na e instituto aki.

Anochi di informashon

Pa duna mas informashon tokante nan kursonan, MSC ta organisá un dia di informashon interaktivo pa tur persona ku ta deseá pa partisipá na un di e kursonan aki. Riba e anochi aki lo trata kontenido di e kurso di media aki i tambe lo respondé preguntanan ku por tin.

E dia di informashon aki lo tuma lugá riba djasabra awor 5 di Mart entre 6:00PM di atardi pa  8or di anochi. Esaki lo tuma luga na Media School mes, den Saliña Galleries Unit C-203.

Pa mas informashon por subi http://www.mediaschool.cw òf bèl Media School na 560-6611.