GOBIÈRNU DI KÒRSOU A REUNÍ KU DELEGASHON HULANDES DI KOMISHON FIHO PA RELASHONNAN DEN REINO DI EERSTE KAMER

GOBIÈRNU DI KÒRSOU A REUNÍ KU DELEGASHON HULANDES DI KOMISHON FIHO PA RELASHONNAN DEN REINO DI EERSTE KAMER

 

Willemstad – Gobièrnu di Kòrsou, den representashon di Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia, Minister di Maneho di Gobernashon, Planifikashon i Servisio Públiko Ornelio Martina, Minister di Tráfiko, Transporte i Planifikashon Urbano Charles Cooper, Minister di Enseñansa, Siensia, Kultura i Deporte Sithree van Heydoorn, Minister Salubridat, Medio Ambiente i Naturalesa Dorothy Pietersz-Janga i Minister di Desaroyo Ekonómiko Ruisandro Cijntje, a reuní ku e delegashon Hulandes di Komishon Fiho pa Relashonnan den Reino di Eersta Kamer dia 3 di mart 2022 na Avila Beach Hotel.

 

E meta prinsipal di e reunion tabata pa e delagashon por a sera konosí ku Gobièrnu di Kòrsou.

Durane di e reunion a elaborá entre otro riba e proseso di COHO i e Lei di Normering Topinkomens (12,5%).

 

E delegashon a bisa ku nan a tuma nota di tur punto i informashon ku a bini dilanti i ku nan lo trese esakinan dilanti na Hulanda.

Riba e COHO nan lo no por bisa muchu na Hulanda, debí ku esaki ainda no a yega serka nan.

E delegashon a duna di konosé tambe ku nan lo keda den kontakto ku nos Gobièrnu pa kualkier pregunta i/òf eventual sosten ku tin mester.

 

E reunion a kana den un bon esfera.

 

This site uses Akismet to reduce spam. Learn how your comment data is processed.

%d bloggers like this: