SDKK – Sentro di Detenshon i Korekshon Kòrsou Dies personal di prizon ta risibí sertifikado di “Mentoria”

SDKK – Sentro di Detenshon i Korekshon Kòrsou

Komunikado di prensa
Kòrsou, 4 di mart 2022
Dies personal di prizon ta risibí sertifikado di “Mentoria”
WILLEMSTAD- Resientemente 10 trahadó di Sentro di Detenshon i Korekshon Kòrsou (SDKK), a risibí sertifikado komo Mentor. Esaki despues ku nan a terminá e kurso titulá Mentoria den SDKK” ku éksito.
Ta trata aki di un kurso di e sistema moderno pa guia detenidonan. E kurso, a ser duna dor di e Fasilitado i Coach, señora drs. Marelva Jansen-Liberia, i tabatin un durashon di tres luna.
Temanan ku a ser trata durante e kurso aki ta; Nos komo tim, Kambio di Mentalidat, Poder di aktitut i Sali for di Zona Konfortabel. Sentral den tur e seshonnan tabata Komunikashon. Den e kuadro aki pa motivá i inspirá e kliente ta importante e lenguahe di komunikashon positivo pa por logra éksito, konsientisashon i korekshon serka e klientenan.
E kurso tabatin un parti teorétiko i tambe un parti práktiko, na final e kurso a sera ku un eksámen i tambe un tarea pa opservá kliente.
Durante di seremonia di entrega di sertifikado, a hiba palabra señora Marelva Jansen- Liberia, direktor interino di SDKK, señor Richenald Ricardo i tambe hefe di detenshon señor Ludwin Maria.
Kursistanan señor Eugene Bernadina i señor Rolando Monte a demostrá nan gratitut na e fasilitando i tambe gerensia pa e oportunidat duna na nan komo trahadó di prizòn pa asina por a sigui e kurso di mentor.
Gerensia ta sumamente satisfecho ku e resultado di e kurso aki i ta asentuá ku guia i korekshon di klientenan mester ta sentral den e instituto.
Share this page to Telegram

This site uses Akismet to reduce spam. Learn how your comment data is processed.

%d bloggers like this: