BRANTWER KÒRSOU TA LANSA FOYETO DI PREVENSHON

MINISTERIO KONSERNÍ HUSTISIA

 

BRANTWER KÒRSOU TA LANSA FOYETO DI PREVENSHON

PUBLIKÁ RIBA 08 MART 2022

WILLEMSTAD – Den kuadro di e kampaña “Prevenshon e mihó Opshon” i konsientisá komunidat di Kòrsou, Kuerpo di Brantwer Kòrsou a lansá na komienso di mart 2022 un foyeto titulá “Kandela na mi kas, Imposibel”.

Durante aña 2021, Kuerpo di Brantwer Kòrsou a atendé ku alrededor di 60 kas ku a kima sea parsial òf kompletamente. Esaki ta konsientisá kada persona den komunidat ku prevenshon di kandela na kas ta importante.

E foyeto aki ta kontá ku 16 página di informashon na papiamentu, kual ta konsientisá komunidat e importansia pa prevenshon di kandela na nan propio kas. E foyeto ta konsistí di informashon general, un chèklist ku kada persona mes por chèk su propio kas i situashon relashoná ku prevenshon peligernan ku por kondusí na kandela, kon pa kontrolá bo bòter di gas, tepnan balioso i tambe kon pa aktuá na momentu ku surgí un kandela.

Den kuadro di e kampaña Prevenshon e mihó Opshon, e departamentu di Prevenshon lo repartí foyetonan durante charlanan di informashon, pero tambe tin foyeto optenibel na kantor prinsipal di Brantwer Kòrsou situá na Roodeweg 188.

Brantwer Kòrsou ke keda konsientisá pueblo di Kòrsou pa ban sigui informá i konsientisá nos mes riba rísikonan ku por kondusí na kandela i ban prepará nos mes debidamente pa si un situashon di peliger presentá, nos sa kon pa aktua di e forma mas mihó, pa asina evitá situashonnan fatal.

E foyeto digital ta disponibel via e siguiente link òf si klek riba e potrèt:
https://simplebooklet.com/prevenshondikandelabrandweercuracao ​

This site uses Akismet to reduce spam. Learn how your comment data is processed.

%d bloggers like this: