Detenshon en konekshon ku violashon di lei di Opio.

KOMUNIKADO DI PRENSA
349/ 2019
4 sèptèmber 2019
Detenshon en konekshon ku violashon di lei di Opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 4 di sèptèmber 2019 alrededor di 18.40’or, durante di un kontrol den
Toltekenweg, e tim di Mantenshon di Òrdu Públiko, a para un vehíkulo den kua tabatin dos
hòmber.
Na momentu ku polis a bai kontrolá den e vehíkulo aki, nan a bin topa den e baul, un
kantidat di blòkinan di kokaina.
Esakinan a keda konfiská i mesora a detené na e sitio e duo sospechoso, e hòmbernan:
 I.L.O. di 35 aña di edat nase na Kòrsou i
 E.A.L.P. di 22 aña di edat nase na Venezuela.
Mas lat, kontinuando ku e investigashon, polis a tene entrada hudisial den kas di un di e
sospechosonan den Toltekenweg i einan a bin topa un kantidat di sèn i atributonan pa
prosesá droga. Esakinan a keda konfiská.
Den un otro kas den besindario, e tim a bin topa un hòmber ku tabata aktua sospechoso.
Na momentu ku a bai hasi kontrol riba dje, a bin topa un kantidat di paki di kokaina kla pa
benta, ku a keda konfiská.
A detené e hòmber aki , W.P.M. nase na Kòrsou di 60 aña di edat tambe en konekshon ku
violashon di lei di Opio.
A presentá e trio dilanti di un fiskal ouksiliar ku a ordená nan enkarselamentu, pendiente di
mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: