Minister Larmonie-Cecilia na komunidat:”Kibra ku prehuisio i kosechá fruta mañan” Uniendo su mes ku e tema di dia internashonal di hende muhé

 

Minister Larmonie-Cecilia na komunidat:”Kibra ku prehuisio i kosechá fruta mañan”
Uniendo su mes ku e tema di dia internashonal di hende muhé

 

Willemstad – Ku su orígen internashonal, Kòrsou tambe ta konmemorá, paso aki
tambe e hende muhé a lucha kontra abusu, kontra maltrato, kontra diskriminashon i
pa rekonosementu, rèspèt, igualdat i derecho pa e tin un bida digno. Su lucha ta
sigui.
Dia internashonal di hende muhé a sali for di e movementu laboral den Estadonan
Uní i awe ta un evento konmemorativo anual rekonosé pa Nashonnan Uni. E simia a
keda plantá na kuminsamentu di 1900 na momentu ku 15 mil hende muhé a marcha
den kayanan di New York eksigiendo oranan di trabou mas kòrtiku, mihó pago i
derecho di voto. Tabata e partido sosialista di Merka ku a deklará e promé dia
Nashonal di hende muhé.
Na Kòrsou e lucha di nos damanan a manifestá su mes primordialmente bou di
dosentenan femenino, ku no tabata risibí pago igual ku e dosente maskulino. Nan no
tabatin derecho di tin propiedat própio i tabata víktima di diskriminashon laboral,
alegando ku nan no por a ehersé sierto funshonnan.
Den transkurso di tempu nos damanan na Kòrsou a risibí derecho i trato igual den
lei pero tambe nan a kuminsá risibí e rèspèt ku tur hende muhé meresé. Ainda tin
asuntu pa mehorá. Mucha, mayor i nos hòmbernan no mester lubidá ku nos
damanan ta nos mama, nos kompañera, nos kasá, nos ruman, nos prima, nos wela i
riba nivel profeshonal e mes ta nos zùster, nos dòkter, nos dosente, nos abogado, nos
koredó di bus, nos hefe di trabou, nos polis, nos presidente di pais ets..
Página
2
World Trade Center Curaçao, Piscadera Bay z/n | Willemstad, Kòrsou | T.: +(599) 9 724 5300 | http://www.gobiernu.cw
Tur aña Nashonnan Uni ta bini ku un tema ligá na Dia Internashonal di hende muhé.
Dia 8 e tema ta “Gender equality today for a sustainable tomorrow”, esta igualdat di
género awe pa un mañan sosteníbel.
Kòrsou ta boga pa mañan e tin un futuro muchu mas sosteníbel. E ta deseá un futuro
kaminda tin mas produkshon lokal di kuminda, mas uso di energia bèrdè, un futuro
kaminda tin un desaroyo ekonómiko duradero, ku mas hende na trabou, i den un
medio ambiente limpi.
Riba dia internashonal di hende muhé, laga nos tur refleshoná riba e echo ku si nos
ekskluí hende muhé, menospresiá su balor den komunidat, den trabounan manera
agrikultura, energia bèrdè, outomatisashon, e deseonan lo tarda pa bira realidat òf
nunka nos ambishonnan lo bira realidat.
Minister Larmonie-Cecilia ta bisa: “ Mi ke enkurashá tur hende, homber i muhé, pa
ta solidario ku otro, sostené otro, pa huntu eliminá e situashon di desigualdat
eksistente. Esaki sin duda algun ta e forsa pa kambio duradero.
FELIS DIA INTERNASSHONAL DI HENDE MUHÉ

Share this page to Telegram

This site uses Akismet to reduce spam. Learn how your comment data is processed.

%d bloggers like this: