Iglesia House of Worship a selebrá dia Internashonal di Hende Muhé ku un anochi spesial titulá: “Un Muhé Balioso”

Iglesia House of Worship a selebrá dia Internashonal di Hende Muhé ku un anochi spesial titulá:

“Un Muhé Balioso”

 

Willemstad 8-3-2022- Den un anochi spesial i bunita prepará pa damanan aki na Kòrsou, iglesia House of Worship a presentá un anochi kaminda e hende muhé por a wòrdu enkurashá i sinti’é spesial. 

Despues di dos aña ku no por a selebrá e gran dia aki manera kustumbrá tabata un goso i un nesesidat pa muhénan bini huntu pa reflehá riba tur e lèsnan ku nos por a saka for di e pandemia aki pa nos sigui pa dilanti. E hende muhé sigur tabatin un ròl hopi importante durante e pandemia aki komo parti di su funshon den e núkleo familiar, den aria laboral i komo parti di e komunidat. 

Durante e anochi aki a para ketu riba tur loke e muhé ta representá ku ta hopi balioso den bista di Dios. E anochi a konta ku diferente presentashon di baile, poesia i tambe alabansa i adorashon. 

Hopi hende muhé a asistí na e enkuentro aki i siguramente e hende muhénan a sali enkurashá for di e anochi aki. Riba e kombinashon di potrèt por mira un resúmen di loke a akontesé riba e anochi aki.