Women’s Steering Committee Curaçao ta instalá su direktiva nobo

Women’s Steering Committee Curaçao ta instalá su direktiva nobo

WILLEMSTAD – Djamars 8 di Mart, representantenan di organisashonnan afiliá na Women’s Steering Committee Curaçao (WSCC) a reuní na K-Centre, na Brievengat, pa presensiá instalashon ofisial di direktiva nobo di WSCC pa periodo 2022 – 2024 i tambe pa selebrá Dia Internashonal di Hende Muhé.

Previo na instalashon di e direktiva nobo,  presidente saliente di Women’s Steering Committee Curaçao, Evelyne Ignecia,  a otorgá un pin na pastor Curtis Meris komo tata spiritual di e organisashon. Alabes a rindi homenahe na instansianan den kuido i tambe a otorgá pin di rekonosementu na miembronan di e komishon di konsehero di WSCC.

Komo presidente di Women’s Steering Committee Curaçao pa periodo 2022 – 2024 a nombra Mirieta Lourens – de Lanoy di A.F.M. (Ala Femenino MAN). Pa otro puestonan a nombra : Yaritza Lopes di Klup Live & Love, Veronica Ricardo di Ordako, Shirley Henriette di Flornan Kontentu, Marla Borgschot di Adefa (Akshon Demokratika Femenino), Mariela Paz  di Business & Professional Women’s Club i Eddy Castablanco di Asosashon Nos Plaser.

E duna un plaka di rekonsementu na e sindikato di trahadónan den kuido CBV. Sr. Johnny Augusta a tuma e plaka di rekonosmentu na nòmber di e sindikato.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: