Dos detenshon pa violashon di lei di arma di kandela.

KOMUNIKADO DI PRENSA 122 / 2022
9 mart 2022.
Dos detenshon pa violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 9 di mart 2022 alrededor di 19.00’or, durante di un kontrol riba un vehíkulo riba
F.D. Rooseveltweg, un unidat di U.S.T. a topa den un vehíkulo, un arma di kandela.
Na altura di un pomp di gasolin riba F.D. Rooseveltweg, shofùr di un vehíkulo di famia a
tuma algu for di un shofùr riba un motersaikel di un forma sospechoso.
Despues di un buskedá di polis a bin topa ku e vehíkulo aki na altura di un supermarket riba
e kaminda ariba menshoná.
E unidat a para e vehíkulo aki pa ehersé un kontrol.
Den e vehíkulo a haña i konfiská un arma di kandela.
Na e sitio polisnan a detené dos dama sospechoso J.R.L., di 27 aña di edat nase na Aruba i
B.L.B., di 22 aña di edat nase na Kòrsou pa violashon di lei di arma di kandela.
A presentá ámbos sospechoso dilanti di un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: