Parlamento di Kòrsou a reuní den un Reunion di Komishon Sentral pa trata tres punto di agènda.

Presidente di Parlamento, sr. Fergino Brownbill, a habri e reunion i a trata e promé punto di agènda “Initiatiefontwerplandsverordening tot wijziging van de Landsverordening Burgerlijk Wetboek 7A (P.B. 2012, no. 24), de Landsverordening van de 24ste april 1969 houdende regelingen van de afspraken van de ambtenaren in dienst van de Nederlandse Antillen en van vakantie en vrijstelling van dienst ambtenaren (P.B. 1969, no. 44) en de Landsverordening Ziekteverzekering (P.B. 1966, no. 15) (Landsverordening Vaderschapsverlof) (Zittingsjaar 2025-2026-212)”.

Promé ku a habri e úniko tanda di pregunta, Presidente di Parlamento a duna palabra na miembro di Parlamento sra. Giselle Mc William pa duna un splikashon di nan e inisiativa di lei.

Seguidamente, Presidente a habri e tanda pa Miembronan di Parlamento presentá nan disertashon i formulá nan preguntanan.

Despues di e úniko tanda di pregunta, Komishon Sentral a bai di akuerdo ku e proposishon pa prepará un relato preliminar tokante e inisiativa di lei.

A kontinuá ku e di dos punto di agènda, “Ontwerplandsverordening houdende regels inzake het toezicht op betaaldienstverleners (Landverordening toezicht betaaldienstverleners) (Zittingsjaar 2026-2027-239) (Memorie van Antwoord)”. Durante e úniko tanda, Miembronan di Parlamento a presentá nan disertashonnan i hasi preguntanan.

Komishon Sentral a bai di akuerdo pa prepará un relato final tokante e proposishon di lei.

Presidente di Parlamento a skòrs e reunion pa un ora. Despues di reanudá e reunion, Presidente a posponé e último punto di agènda, “Sosten pa sigui ku e trayekto di tratamentu di e konsepto di Areglo di Disputa di Reino (“Voorstel van Rijkswet Koninkrijksgeschillen”), konforme petishon di e delegashonnan di e diferente Parlamentonan durante e reunion di Tripartit di 15 di òktober 2026. E Komishon Sentral lo kontinuá djabièrnè 6 di novèmber 2026