REGISTRÁ SI BO KE BO REIBEWEIS PROMÉ BO BAI STUDIA AFÓ

 

MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO

 

REGISTRÁ SI BO KE BO REIBEWEIS PROMÉ BO BAI STUDIA AFÓ

PUBLIKÁ RIBA 13 MART 2022

Willemstad – Departamento di Reibeweis ta informá, ku entrante djaluna,14 di mart 2022, registrashon ta habri pa tur studiante ku ta bai studia den eksterior i ke pasa nan èksamen pa reibeweis promé ku nan biaha.

Tur studiante ku ta bai studia pafó di Kòrsou den e aña eskolar benidero i ke pasa nan èksamen di reibeweis, mester manda  nan registrashon via e-mail pa e Departamento di Reibeweis. Di e forma akí, e departamento di Reibeweis por plania mihó i garantisá un bon servisio. Último dia pa registrá i hasi e pago na Departamento di Reibeweis, ta djabièrnè 10 di yüni 2022. Na momento di registrashon, tur studiante interesá mester a kumpli 18 aña kaba.

E e-mail ku studiantenan por usa pa manda nan registrashon ta rijbewijzen.puz@gobiernu.cw. Huntu ku e registrashon, mester manda un kopia di identifikashon di e studiante i prueba di e petishon na Stichting Studiefinanciering Curaçao (SSC) ku ta indiká ku e atudiante ta bai studia den eksterior e aña di estudio 2022/2023. Studiantenan ku ta bai studia den eksterior, sin aporte di SSC, mester tin un deklarashon di skol aktual.

Pa mas informashon, por tuma kontakto via number di telefòn 736-2929 òf manda un mail na rijbewijzen.puz@gobiernu.cw.

Share this page to Telegram

This site uses Akismet to reduce spam. Learn how your comment data is processed.

%d bloggers like this: