Análisis di krimenan di impakto haltu.

 

KOMUNIKADO DI PRENSA 133 /2022
15 mart 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Krímennan di impakto haltu durante di e periodo di 7 pa 13 di mart 2022 a duna e siguiente
resultado.
Atrako
Tabatin dos (2) kaso di atrako registrá durante di e periodo aki i nan a tuma lugá riba
djaluna i djaweps, entre 16.30’or i 03.30’or. Un di e atrakonan aki a tuma lugá na Boca
Ascencion riba turista i e otro na Velpstraat. Den ambos kaso arma di kandela a a keda usá.
Ladronisia di vehíkulo
Di e tres (3) kasonan di ladronisia di vehíkulo, dos (2) a keda te na un intento. E
notifikashonnan a tuma lugá riba djaweps i djasabra i tantu e intentonan komo e kaso di
ladronisia a tuma lugá entre 03.00’or i 06.00’or na Pietermaai, Oranjestraat i
Nijmegenstraat.
E vehíkulonan aki ta un Kia Soul, Nissan Sentra i Kia Picanto.
Kiebro den kas
Polis a registrá seis (6) kiebor den kas. Mayoria di e kiebronan aki a tuma lugá riba djasabra
entre 08.00’or i 13.00’or.
Mayoria di e kiebronan aki tabata dor di kibra òf forsa bentana di kamber.
E kiebronan aki a tuma lugá na Tinweg straat A, Nijmegenstraat, Kaya Poron, Kaya Elogio,
Kaya Berom i Dr. Fergusonweg.
Kiebro den negoshi
A konfirmá 11 kiebro den negoshi i mayoria a tuma lugá riba djamars i djaweps entre
03.00’or i 05.00’or.
Malechornan a penetrá den e edifísionan dor di fòrsa of kibra hekwerk di porta di dilanti òf
baha via di dak.
Departamentu di Komunikashon i Prevenshon
Página 2
SIRBI I PROTEHÁ
E areanan na unda e kiebronan aki a tuma lugá tabata e.o. Zeelandia, Weto, Sta. Rosa,
Pietermaai, Janwe i Damacor.
Kiebro den outo
Tabatin seis (6) kiebro den outo, ku a tuma lugá prinsipalente riba djaweps entre 21.00’or i
02.00’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
E sítionan na unda a kibra den outo tabata Pietermaai, Nieuw Nederland, Boca Ascencion,
De Savaan, Arikokweg.
Violensia relashonal
E periodo tras di lomba tabatin 5 kaso di violensia relashonal, di kua mayoria a tuma lugá
riba djamars i djasabra.
E gran kantidat di yamadanan ku polis a haña pa atendé e kasonan aki, tabata entre
03.00’or i 04.00’or.
E áreanan kaminda ku polis mester a duna asistensia pa e tipo di violensianan aki, tabata
entre Rooi Santu i Seru Fortuna.

This site uses Akismet to reduce spam. Learn how your comment data is processed.

%d bloggers like this: