For di awor kasnan di famia ku un hür te $ 750,00 pa luna, pa medio di e proyekto piloto Kontribushon Hür Partikular (BPV) por tin chèns pa ayudo pa paga hür di kas. Por inskribí te 1 di sèptèmber 2022.

Dia 11 di mart 2022 e proyekto a ranka sali den presensia di diputado Nina den Heyer i Direktor di Direktorado di Komunidat i Kuido Silvana Janga. Entidat Públiko Boneiru, huntu ku ministerio di Asuntunan Interno i Relashonnan den Reino (BZK), ta pone sèn disponibel pa ehekushon di e proyekto piloto ‘Kontribushon Hür Partikular’ na Boneiru.

E motibu mas prinsipal pa kuminsá ku e proyekto piloto akí ta pasobra bibienda den sektor privá na Boneiru ta bira kada biaha mas karu. Pa sierto gruponan di entrada ta difísil pa paga e bibiendanan. Kontribushon Hür Partikular ta sòru pa hürdónan ta bai paga ménos hür. Ku esaki e redukshon di hür den kuadro di Kontribushon Hür Partikular den promé instante ta temporal pa e partisipantenan.

Bo tin interes den Kontribushon Hür Partikular?

1. Manda un email pa Aportehurpartikular@bonairegov.com
2. Traha un sita via +599 717 – 2211

Pa mas informashon bishitá: http://www.bonairegov.com/pa/inwoners/bpv