PROYEKTO DI WAF NOBO DI KARGA A INISIA

PROYEKTO DI WAF NOBO DI KARGA A INISIA

Resientemente e “Stuurgroep Zeehavens Bonaire”, konsistiendo di Kolegio Ehekutivo di Boneiru, ministerio di Infrastruktura i Maneho di awa, Port of Amsterdam International i e Tim di Proyekto Haf di Konteiner nobo, a reuní pa aktualisá e diferente desaroyonan pa ku maneho di e wafnan di Boneiru i en partikular mudansa i konstrukshon di e waf nobo di karga.

Resientemente e “Stuurgroep Zeehavens Bonaire”, konsistiendo di Kolegio Ehekutivo di Boneiru, ministerio di Infrastruktura i Maneho di awa, Port of Amsterdam International i e Tim di Proyekto Haf di Konteiner nobo, a reuní pa aktualisá e diferente desaroyonan pa ku maneho di e wafnan di Boneiru i en partikular mudansa i konstrukshon di e waf nobo di karga.

Maneho aktual di karga i di konteiner no ta sosodé di manera efisiente ni tampoko sostenibel pa desaroyo di Boneiru ku mira riba futuro. Esaki tin komo konsekuensia ku gastunan di operashon ta mas haltu ku mester ta, entre otro dor di e struktura di transporte eksistente i defisiensia den maneho di karga i container. “Desenas di kontèiner, santu i material di konstrukshon ku ta yega komo karga den sentro di suidat, ku ta e kurason sosial i turístiko di nos isla, ta stroba desaroyo,” segun diputado Thielman. “Ademas e haf aktual no por risibí tur barku di karga na un manera efisiente, lokual ta kondusí na gastunan operashonal inesesario i preisnan haltu pa produkto i servisio pa konsumidó.”

For di aña 2018 Kolegio Ehekutivo di Boneiru a stipulá e área di WEB na Hato komo lokalidat di preferensha pa mudansa i konstrukshon di un waf di karga nobo pa Boneiru. Durante e periodo di gobernashon aktual, a firma na 2019 un Kombenio di Koperahon pa Wafnan di Boneiru ku ministerio di Infrastuktura i Maneho di awa. Aki a palabrá tambe ku lo traha un análisis di e kosto i benefisionan riba tereno sosial, e asina yamá “maatschappelijke kosten en batenanalyse” (MKBA), pa konstrukshon di un waf di karga nobo. Resientemente, despues di un evaluashon diligente di e diferente ofertanan risibí, a selektá Ecorys Nederland B.V. pa ehekutá e “MKBA”. E komishon di selekshon a konsistí di e Tim di Proyekto Haf di Konteiner nobo (Projectteam Nieuwe Containerhaven), Port of Amsterdam International i ministerio di Infrastruktura i Maneho di awa.

“Esaki ta marka inisio di e futuro pa maneho di karga nobo na Boneiru, ku finalmente mester resultá den mihó preis i mehorashon di poder di kompra,” diputado Thielman ta deklará. “Esaki ta sigur un paso importante pa determiná e lokalidat di e waf di karga nobo.” Segun e diputado lo inkluí e lokalidat di BOPEC tambe den e evaluashon pa asina determiná e lokalidat definitivo di e waf di karga nobo.

Ecorys tin 10 siman pa finalisá su análisis, pero mientrastantu Gobièrno di Boneiru no ta para ketu. “E siman aki tambe lo publiká e términonan pa hasi un oferta pa e nota di inisio (startnotitie) pa e evaluashon di e impakto ambiental (MER). A base di e MKBA, e MER i e “business case”, Gobièrno lo por tuma su desishon riba e lokalidat definitivo,” diputado Thielman ta finalisá bisando.

Share this page to Telegram

This site uses Akismet to reduce spam. Learn how your comment data is processed.

%d bloggers like this: