GOBIÈRNU NO A TUMA DESISHON AINDA PA KU SEÚ 2022

WILLEMSTAD- Gobièrnu di Kòrsou, huntu Fundashon Kultural Seú, a tuma nota di algun mensahe riba retnan sosial ku ta indiká ku Gobièrnu di Kòrsou huntu ku Fundashon Kultural Seú Kòrsou ta preparando pa organisá un evento di Seú i ku ya tin fecha akordá pa esaki.

Gobièrnu di Kòrsou ta partisipá pa medio di esaki, ku ainda ta den proseso di sondeo serka diferente stakeholders manera entre otro gruponan di Seu, kuerpo polisial, brantwer i tim enkargá ku maneho di kalamidat (tim di krísis) pa asina presentá un proposishon konkreto na Minister di Enseñansa, Siensia, Kultura & Deporte pa tuma e desishon final. Pues esaki ta nifiká ku un desishon formal no a keda tumá ainda .

Kualke paso ku Gobièrnu di Kòrsou tuma pa ku kontinuashon di un aktividat di seú, mester ta unu responsabel i balansá. Gobièrnu lo sigui informá si akaso yega na kualke palabrashon definitivo tokante e posibilidat pa kontinuá ku un evento di Seú.

—

Sr. Sithree van Heydoorn

Minister di Enseñansa, Siensia, Kultura & Deporte