Mas vehíkulo di ‘fever’ konfiská.

KOMUNIKADO DI PRENSA 162 /2022
28 mart 2022
Mas vehíkulo di ‘fever’ konfiská.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Manera ya Kuerpo Polisial a anunsiá na kabamentu di 2021 i kuminsamentu di e aña aki, lo
bai pone hopi atenshon riba ponementu di ‘fever’ i lo konfiská vehíkulonan ku ta partisipá
den esaki.
Tambe lo a studia e posibilidat huntu ku Ministerio Públiko pa kuminsá un trayekto den kua
ta pidi Korte pa destruí e vehíkulonan aki.
Entre tantu tabatin durante di último tres lunanan un kantidat di 2 outo i un motorsaikel
konfiská, pendiente pa drenta den e trayekto ariba menshoná.
Ayera djadumingu 27 di mart 2022 polis a konfiská un outo mas ku a hiba na e kantidat di 3
outo i un motorsaikel.
Tin diferente vehíkulo mas ku ya a keda identifiká i ku pronto lo bai keda konfiská pa asina
kita nan pa semper for di riba kaya.
Un súplika ta bai un bia mas na tur ponedó di ‘fever’ pa realisá ku aparte di e peliger ku bo
ta hinka tráfiko aden, e rísiko tambe ku bo ta kore di pèrde bo vehíkulo ku tantu bo a invertí
den dje.