DEKLARASHON DI AQUALECTRA

DEKLARASHON DI AQUALECTRA

Willemstad 30 di Mart 2022 – Ayera djamars 29 di Mart a tuma lugá un kaso den korte kaminda Aqualectra a pidi hues pa deklará Fundashon Stichting Sint Elisabeth bankarota.  Komo ku e kaso ta den tratamentu, Aqualectra no por duna mas detaye tokante di e motivashon pa e kaso dor di e kompania.

Mester mira e kaso aki den kuadro di Aqualectra su esfuerso pa rekobrá e mas di 200 mion florin di debe ku Aqualectra tin riba kaya.  E debe total aki a yega na un nivel ku Aqualectra mester tuma pasonan pa asina garantisá ku e kompania por keda produsí i distribuí  awa i koriente na un forma responsabel i hasi e invershonnan nesesario ku ta garantisá produkshon di utilidat den futuro.  Esaki ta un responsabilidat ku e kompania ta tuma hopi na serio, na bienestar di e komunidat di Kòrsou.

Durante di e periodo ku ta sigui lo por spera mas akshon di parti di Aqualectra pa kobra awa i koriente ku ya a keda usá sin ku a paga pa e uso di esaki.