Gobièrnu di Boneiru Salubridat Públiko ta presentá resultado di long-COVID na profeshonalnan di kuido

 

Gobièrnu di Boneiru

Salubridat Públiko ta presentá resultado di long-COVID na profeshonalnan di kuido

Departamento di Salubridat Públiko a duna informashon amplio na profeshonalnan di kuido tokante resultadonan di e investigashon relashoná ku long-Covid. Durante e presentashon dòkter Loes Jaspers a duna informashon di fondo tokante resultadonan di e investigashon. E dòkternan, enfermero- i enfermeranan i otro profeshonalnan di kuido a hasi pregunta na Jaspers durante e presentashon. Salubridat Públiko ta spera ku awor ku e resultadonan ta konosí, hendenan ku tin long-Covid por haña e kuido ku nan tin mester. For di e investigashon a bini dilanti ku di e 414 hendenan ku nan a investigá, 160 hende pa mas ku 4 siman despues ku nan a pega ku e vírùs ainda tin keho. E kehonan mas komun ta kansansio, ménos kondishon i sinti benout.