‘Petje af’ pa minister di finansa! Si a logra alivio pa gasolin, mester por pa kuminda tambe.

 

‘Petje af’ pa minister di finansa!

Si a logra alivio pa gasolin, mester por pa kuminda tambe.

 

 

Willemstad — Partido PIN ta aploudi e desishon di minister di finansa pa temporalmente redusí akseins i OB riba kombustibel. Ta mas admirabel ainda ku den esaki tabatin un bon koperashon ku oposishon. Asinaki PIN ta duna rekonosementu tambe na e insistensia fruktifero di parlamentario sra. McWilliam.

 

Sinembargo den komunikadonan ku fecha 8 desèmber 2021 i 1 febrüari dje aña aki, Partido PIN a sugeri pa suavisá oumento di preis di kuminda importá tambe dor di redusí OB i derecho di importashon riba su flete spesifikamente.

 

Awor ku a atende kombustibel, PIN ta spera ku minister di finansa sr. Silvania lo diseña un alivio semehante pa gastunan di importashon di komestibel.