QMQ ORGNIZATION A RANKA SALI KU E TEMPORADA DI MISS TEENAGE CURACAO 2026
QMQ ORGNIZATION A RANKA SALI KU E TEMPORADA DI MISS TEENAGE CURACAO 2026
Willemstad, 29 sèptèmber 2026
Djaluna último, QMQ Organization den un ambiente masha ameno, a tene un rueda di prensa pa informá e pueblo di Kòrsou di e siguiente temporada di Miss Teenage Curaçao 2026. Den e rueda di prensa aki, direktor lokal di Miss Teenage Curaçao Edmee Haard Statia, huntu ku su tim, a duna tur informashon pa e di 5 edishon. E aña aki a tuma e desishon pa selebrá ku un sertámen adaptá. E periodo di Miss Teenage Curacao ta kòrtiku ku meta pa tin mas tempu pa prepara i kumpli ku kompromiso nan internashonal ku QMQ Organization ke enfoká riba dje pa aña 2027.
Fecha nan importante ku a keda anunsiá ta 12 di òktober 2026 lo será konosi ku partisipantenan riba media social. 26 di òktober 2026 presentashon di koronanan lokal i internashonal i 30 di òktober 2026 e gran final di Miss Teenage Curaçao 2026, ku lo tuma luga na WTC su auditorio di 7:30 pa 11:00 di anochi. Karchinan ta na balor di 85,- florin karibense i ta optenibel serka e partisipantenan.
QMQ Organization ta siguí rekonosé tur e Miss Teenagenan anterior ku a hasi un gran labor pa nos organisashon, kual ta Danila Magdalena Miss Teenage Curaçao 2021, Valerie van Heydoorn Miss Teenage Curaçao 2022, Amanda Verkerk Miss Teenage Curaçao 2023 i Thalina Gil Miss Teenage Curaçao 2025, i tambe tur e finalista nan i mayornan ku a depositá nan konfiansa serka nos durante e añanan.
Durante di e atardi tambe a revelá e tema di Miss Teenage Curaçao 2026. E aña aki Kòrsou ta bai disfrutá di un tremendo produkshon titulá; Viva la Quinta Tropicana Royal. Revelando esaki, bo por kumisa imaginá ku e aña aki nos ta ban biba un soño Tropical, derivá for di e konsepto Viva Las Vegas.
Selebrando e di 5 edishon, QMQ Organizationta ta yega na e desishon pa ban traha ku 5 organisashon internashonal i a agregá dos magno sértamen internashonal na su lista, kual ta;
Miss Teen Americas i Miss Teen Supreme International. Huntu ku Miss Teen Charm International, Miss Teen Caribe Universo i Teen Universe asina QMQ ta traha pa aña 2027, ku 5 sértmamen grandi, importante i sumamente popular riba tereno di beyesa internashonal.
Un bon selebrashon mester tin regalo i pesei QMQ Organization ke regalá, hóben damanan entre 15 pa 18 aña ku ta desea pa partisipá na Miss Teenage Curacao 2027, i ku registrá for di awor i kumplí ku e kondishonnan, 2 karchi gratis pa presensia e show final di Miss Teenage Curaçao 30 òktober proksimo.
QMQ Organization ta yama danki tambe na tur su sponsornan ku tei for di komienso di nos organisashon i tambe tur ku un aña mas ta huntu ku nos den e selebrashon. Danki na BeBeautifull Boutique, Choco Photography, Straker Photography, Glitzy, Slayed by Sien, Beauty by Mica, Jsupriana Photography, Mor&Ena’s Hair Salon, Bfox, Shot by Ghetto Videos, Bello Visuals I Massive.
Siguí QMQ su página nan ofisial i biba e temporada di Miss Teenage Curaçao 2026 huntu ku nos.
