Premier Wever – Croes: GOBIERNO DI ARUBA TA FELICITA CASA CUNA CU A CUMPLI 65 ANIVERSARIO

[videopress odHRgdBO]

Premier Wever – Croes:

GOBIERNO DI ARUBA TA FELICITA CASA CUNA CU A CUMPLI 65 ANIVERSARIO

 

ORANJESTAD – Fundacion Casa Cuna Progreso a cumpli 65  aña di existencia. Durante di e 65 añanan aki, nan a sirbi comunidad di Aruba den forma sublime.

 

Ningun hende na Aruba por imagina un Aruba sin Casa Cuna. Claro un pais lo desea cu no tin mester di un instituto manera Casa Cuna y lo desea cu tur mucha tin semper nan mayornan pa yuda nan. Pero realidad di bida ta cu tin biaha bo mester di un extra ayudo pa muchanan por tin un mihor fundeshi of mas atencion. Y cu talbes despues, nan por bolbe cerca nan mayornan. Aki Casa Cuna ta hunga un rol importante.

 

Prome Minister den nomber di Gobierno di Aruba, ta gradici tur esnan cu a labora na Casa Cuna durante e 65 añanan aki, pa e trabou inmenso cu nan a haci di ta mama y tata di tur e muchanan aki. “Ta felicita directora di Casa Cuna y tur esnan laborando actualmente na Casa Cuna. Ta pidi Dios bendiciona cada uno pa sigui cu e trabou bunita cu a bin ta eherce”, Premier Wever – Croes a termina bisando.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: