UN GABINETE KU 2 MINISTER/POLIS TA SKOHE PA KONFRONTASHON KU POLIS

UN GABINETE KU 2 MINISTER/POLIS TA SKOHE PA KONFRONTASHON KU POLIS

 

1 di nan por sikiera konsehá Minister di hustisia

 

Trabou pa Kòrsou TPK a tuma nota di e desaroyonan entre sindikato di polis NAPB i minister di hustisia. Den un pais demokrátiko, ta parti di e sistema ku na algun okashon por sosodé ku tenshonnan ta lanta entre sindikato i gobièrnu.

Pero un buelta inesesario a presentá ora ku minister di hustisia ta skohe pa manda un òrdu di “no work no pay”. Di e forma aki minister di hustisia mes a skohe pa eskalá e situashon. Debí ku e polisnan no tabata den un wèlga, pero mas bien den un reunion bou di ora di trabou. Pues servisio na komunidat a kontinuá.

 

Esaki ta demonstrá e falta di liderazgo, falta di eksperensia i falta di sa kon atendé ku sindikato di parti di e minister. E minister a skohe pa mustra poder i konfrontashon. 

Ta esaki ta pasa ora ku e gabinete NÒ tabatin hende pa pone pa minister di hustisia i a kometé e mes eror ku e gobièrnu anterior. A skohe un hurista ku no tabata riba lista pa bira minister.

Esun ku no a kana den pueblo buska voto, nunka lo komprondë doló di e pueblo. 

 

Kiko ta kosta minister di hustisia pa hasi akto di presensia serka e polisnan votadó ku tambe ta forma parti di pueblo? E minister a bisa den media ku ta na mesa ta sinta i regla kos, awèl minister, pone bo palabranan den akshon hasi akto di presensia serka e polisnan. Ta polis nan ta, no ta kriminal nan ta.

TPK ta konsehá e minister di hustisia pa aktua na un manera orgániko, sinta na mesa, forma un komishon ku ta konsistí di gobièrnu i sindikato pa atendé e asuntunan personal i sobrá asuntunan di polis.  Paso ora minister kaba di hunga tçf, ta e ta keda esun responsabel pa atendé e problemanan aki pa 3 aña mas. E no ta skap’e.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: