Pa sigui garantisá suministro di koriente i ménos molèster pa tur kliente AQUALECTRA TA SPIÈRTA KOMUNIDAT PA NO SUBI FLI DEN AREANAN DI KAS I NEGOSHINAN

Pa sigui garantisá suministro di koriente i ménos molèster pa tur kliente

AQUALECTRA TA SPRTA KOMUNIDAT PA NO SUBI FLI DEN AREANAN DI KAS I NEGOSHINAN

 

Willemstad, 13 di aprel 2022 – Aqualectra ta hasi máksimo esfuerso pèrkurá ku komunidat ta keda garantisá di awa i koriente na un forma duradero i kontinuo.  Lamentablemente tin biaha un grasia di un òf mas siudadano por kousa ku otronan mester karga ku molèster di keda sin por ehèmpel koriente innesesariamente.  T’esei ta loke a pasa i ku a kousa ku djárason 13 di aprel alrededor di 800 kas den área di Bonam, Ronde Klip, Kirindongo Abou i besindario a keda sin koriente pa mas ku mitar dia.  Aqualectra ke spièrta komunidat den e temporada úniko aki pa evitá subimentu di fli den áreanan di bibienda i negoshinan kaminda wayanan di koriente ta pasa den laria.  Di e forma aki nos ta prevení ku subimentu di fli lo por ta kousa di un ‘storing’ di koriente innesesariamente.

Tabata den ora di djárason mainta ku Aqualectra a keda notifiká ku no tin koriente den e barionan indiká.  Téknikonan di Aqualectra mesora a sali pa buska orígen di e problema.  A resultá ku dilanti di ‘Wasserij Kòrsou’ den bario di Brievengat tabatin wayanan di koriente benta abou.  Investigashon a demonstrá ku tabata un fli a pega den wayanan di koriente di alto vòltahe den e área i ku esaki a kousa ku  ku alrededor di  800 kas i negoshi a pèrdè koriente.  Ta komprendibel ku esaki a kousa hopi molèster pa habitante i negoshinan den e barionan aki.

Aqualectra ta enkurashá rekreo sano i deporte di subimentu di fli, ku ta sumamente popular bou di spesialmente nos hóbennan.  Den mesun rosea Aqualectra ke tambe spièrta komunidat pa gosa di esaki na un forma responsabel ku no ta pone e suministro di koriente pa nos komunidat na peliger. Laga nos práktika subimentu di fli di un manera safe pa evitá molèster!

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: