Komunikado di Kuerpo Polisial Korsou: Aksidente di tráfiko ku morto

KOMUNIKADO DI KUERPO POLISIAL KÒRSOU 208 /2022
16 aprel 2022
Aksidente di tráfiko ku morto.


Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 16 di aprel 2022 alrededor di 06.28’or, Sentral di polis a risibí informashon di un
aksidente grave ku a tuma lugá riba Weg naar Westpunt na altura di Gato.
Mesora a dirigí diferente unidat i ambulans na e sitio.
Na nan yegada nan a bin topa un aksidente entre un outo di famia i un pikòp.
For di investigashon preliminar a sali na kla ku shofùr di e pikòp ku tabata kore riba Weg
naar Westpunt bij Gato den direkshon di Banda Bou, pa motibunan te ainda deskonosí, a
bai kore riba man kontrali i dal frontal kontra e outo di famia ku tabata bini for di Banda
Bou den direkshon di Zegu.
Shofùr di e outo di famia, debí na e multiple leshonnan ku el a sufri den e aksidente, a
fayesé na e sítio mes.
Dòkter di polis ku tabata presente a konstatá morto di e dama víktima.
E ko-okupante di e outo di famia ku tambe a keda leshoná dor di e impakto, a keda
transportá ku urgensia pa Sala di Emergensia di C.M.C.
Debí na sirkumstansia famia no a identifiká e kurpa ainda, motibu pa kua no por duna e
identidat liber.
Investigashon den e kaso aki ta kontinuá.

Share this page to Telegram

This site uses Akismet to reduce spam. Learn how your comment data is processed.

%d bloggers like this: