Kontrol di tráfiko ku detenshon pa violashon di lei di opio.

 

KOMUNIKADO DI PRENSA 203 /2022
16 aprel 2022
Kontrol di tráfiko ku detenshon pa violashon di lei di opio.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Riba djabièrnè 15 di aprel 2022 entre 11.00’or i 14.00’or, personal di Warda di Polis
Montaña huntu ku personal di Departamentu di Tráfiko, a tene kontrol di tráfiko riba
Caracasbaaiweg na altura di Kaya Zjazjimein.
E kontrol di tráfiko aki tabata primordialmente dirigí riba surpasá ekseso di velosidat
máksimo na e sítio.
A repartí 39 prosès verbal pa violashon di velosidat máksimo i kore sin reibeweis of seguro.
E velosidat di mas haltu ku a konstatá na e sítio tabata di 111 kilometer pa ora.
Ministerio Públiko tambe a forma parti di e kontrol aki pa asina ei kobra butnan atrasá.
A logra kobra Nafl. 3525,- na but durante di e kontrol aki.
Durante di e kontrol di tráfiko, polis a konstatá un shofùr ku den su vehíkulo tabatin dos
bultu di mariwana, ku a keda konfiská, mientras ku a hasi detenshon na e lugá di kontrol di
e hòmber R.A.H. di 46 aña di edat nase na Kòrsou.
Su detenshon ta relashoná violashon di lei di opio.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: