Aksidente di tráfiko ku morto. Ta trata di un turista.

 

Aksidente di tráfiko ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaluna 18 di aprel 2022 alrededor di 22.35’or, Sentral di polis a risibí informashon di un
aksidente di tráfiko ku a tuma lugá riba Edisonstraat.
Mesora a dirigí unidat polisial i ambulans na e sitio.
Na nan yegada nan a bin topa un aksidente entre un outo di famia i un pikòp.
For di investigashon preliminar a sali na kla ku shofùr di e pikòp ku tabata kore riba
Edisonstraat direkshon di Helmin Magno Wiels Boulevard, diripiente a topa ku un vehíkulo
ku tabata bini di direkshon kontrali i riba man kontrali.
A konsekuensia di esaki aki e vehíkulonan a dal frontal kontra di otro.
Shofùr di e outo di famia, debí na e multiple leshonnan ku el a sufri den e aksidente, a
fayesé na e sítio mes.
Dòkter di polis ku a presentá na e sitio a konstatá morto di e hòmber víktima.
Debí ku trata di un turista i no a pone famia na altura ahinda, no por publiká su identidat.
Shofúr di e pikòp a risibí tratamentu médiko na e sitio mes.
Departamentu di Tráfiko ta kontinuá ku e investigashon.

This site uses Akismet to reduce spam. Learn how your comment data is processed.

%d bloggers like this: