Paga via Pagafásil ku chèns di gana un Samsung Galaxy S22 PAGAFÁSIL TUR TUR SERKA DI BO NA NO MENOS KU 39 LOKALIDAT RÒNT KÒRSOU PA BO YEGA, PAGA, BAI
Paga via Pagafásil ku chèns di gana un Samsung Galaxy S22
PAGAFÁSIL TUR TUR SERKA DI BO NA NO MENOS KU 39 LOKALIDAT RÒNT KÒRSOU
PA BO YEGA, PAGA, BAI
Willemstad Djamars 19 di April 2022- Pagafásil, e punto di pago favorito di pueblo, tei tur serka di pueblo pa tur hende sigui yega, paga i bai manera semper tabata e kustumber. Un i tur por keda paga pa tur e servisionan ku semper por a paga’pé na un di e puntonan di pago. Di awor te ku fin di Aprel bo tin hasta chèns pa partisipá pa gana un Samsung Galaxy S22 ora bo has bo pago na un di e puntonan di pago di Pagafásil. Esaki ta e promé kampaña i mas inovashon ku pueblo mester spera di su punto di pago favorito Pagafásil.
Utilities Financial Service (UFS) ta komprometé pa garantisá ku pueblo ta keda ku su punto di pagonan di Pagafásil rònt Kòrsou, manera semper tabata nos kustumber. Resientemente a ahustá e puntonan di benta nétamente basá riba e preferensha ku komunidat a demonstrá den pasado pa e puntonan di pago. Bo por tuma nota di e punto di Pagafásil mas serka di bo dor di konsultá avisonan den medio di komunikashon òf bai riba http://www.pagafasil.net. Ei lo bo mira tur e puntonan di pago di Pagafásil rònt Kòrsou.
Pagamentu na puntonan di pago ta algu ku nos pueblo a kustubra kuné. Netamente ku e mira pa mantené e forma aki pa por hasi pago i tambe pa por inová esaki UFS a atkerí Pagafasil. Komunidat mester keda pendiente pa inovashonnan ku lo keda introdusí pa hasi pago atrabes di medionan modèrno aun mas aksesibel pa komunidat. E meta ta keda: yega, paga i bai.
Awor ta e momento pa bo hasi bo pagonan na Aqualectra, FLOW, UTS, Selikor, Directv, FKP, Extura, Digicel Postpaid, FFP, TRES, OMNI, CuSanPedro, Entiero na Kuota, Korpodeko i Districo òf paga bo but na Ministerio Públiko, kumpra Pagatinu i paga PSB bank (pa shofùrnan di bus i taksi.) Pa kada pago ku bo hasi bo tin un partisipashon mas den e rifa. Bo tin te ku dia 30 di Aprel pa partisipá. Dia 3 di Mei ta saka e ganadó. Buska bo punto di pago mas serka di bo i hasi bo pagonan trankil ku chèns di ta e felis ganadó.