Análisis di krimenan di impakto haltu.

 

KOMUNIKADO DI PRENSA 222 /2022
21 aprel 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Krímennan di impakto haltu durante di e periodo di 11 pa 17 di aprel 2022 a duna e
siguiente resultado.

Atrako
Tabatin sinku (5) kaso di atrako. E atrako a tuma lugá riba djaweps i djadumingu entre
18.00’or pa 19.00’or i 21.00’or pa 22.00’or
El a tuma lugá den un kas na Kaya Mila, Jan Noorduynweg, John de Poolstraat, Cubaweg i
Weg naar Welgelegen.

Ladronisia di vehíkulo
Den e periodo polis a raportá kuater (4) kaso di ladronisia di outo i unu ku a keda te na un
intento.
Mayoria vehíkulo a keda hortá riba djamars entre 01.00’or i 03.30’or.
E marka ku mas ladronnan a bai kuné ta Mitsubishi Lancer i Hyunai Tucson.
A bai ku vehíkulonan for di Borinquenweg, Marconistraat, Kaya Elegansia, Nilda Pintostraat
i Mahuma

Kiebro den kas
Polis a registrá dies (10) kiebro den kas. Mayoría di e kiebronan aki a tuma lugá riba
djaweps entre 09.00’or i 15.00’or i malechornan a penetrá dor di kibra òf fòrsa bentana di
kamber òf forsa òf kibra bentana di kushina.
E kiebronan aki a tuma lugá den barionan manera e.o. Popo, Zuid Popo, Sabana Hundu,
Rancho, Kolonia, Kaminda Italia i Dokterstuin.
Kiebro den negoshi
A konfirmá 1 kiebro den negoshi ku a tuma lugá riba djarason pa 23.35’or.
Esaki a tuma lugá riba Cas Coraweg.

Kiebro den outo
Tabatin 14 kiebro den outo, ku a tuma lugá riba djarason, djaweps i djabierne entre
20.00’or i 23.00’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
E sítionan na unda a kibra den outo tabata e.o. Zeelandia, W. Churchillweg, SchottegatwegWest, Salina, Penstraat, Muizenberg, Kaya Moises i Kanga.

Violensia relashonal
Polis mester a atendé tres (3) kaso di violensia relashonal, di kua mayoria a tuma lugá riba
djaweps.
E kasonan aki a tuma lugá entre 08.00’or i 24.00’or.
E áreanan kaminda ku polis mester a duna asistensia pa e tipo di violensianan aki, tabata
Mari Pampun, Kirindongo Abou, Fontijn.

This site uses Akismet to reduce spam. Learn how your comment data is processed.

%d bloggers like this: