Kings Shopping Night na Renaissance Mall & Rif Fort ku ambiente grátis di Doble R Klásiko

Kings Shopping Night na Renaissance Mall & Rif Fort ku ambiente grátis di Doble R Klásiko

WILLEMSTAD – Hepa ta Doble! Kings Night ta tuma lugá riba djamars anochi dia 26 di aprel presentando un line-up ku sigur lo pone tur hende den ambiente. Ta start riba djamars for di 6’or di atardi ku un nochi di kompra ku animashon di Dj Krokzz den área di Mall &Rif Fort. Bishitantenan tin chèns di shòp te ku 9’or di anochi ku animashon di músika di DJ Kroczz i naturalmente probechá di e deskuentonan ku kada establesimentu lo ofresé. Pa asentuá e Kings Night lo tin un photo-booth di manera ku bishitantenan por saka nan foto ku e tema di anochi: “Be King and Queen for a day”. Na kada kompra bishitantenan di Mall & Rif Fort  lo tin chèns di ‘spin’ e ‘wheel’ di MCB ku chèns di GANA hopi premio atraktivo! Tuma Nota ku riba Dia di Rei 27 di aprel tin bazar tambe!

Kings Shopping Night 26 di aprel:

Pa 9’or di anochi, Doble R Klásiko lo subi esenario di Rif Fort pa ofresé un konsierto baliabel GRÁTIS na bishitantenan di e mall, i tur fanátikonan di Doble R Klásiko ku tin 2 aña sin baila i disfrutá di e hitnan di tur tempu. Rignald Recordino i su Super Special Stars lo zona te 12’or. Naturalmente bishitantenan tin tambe amplio variashon di restorant pa skohe for di dje si ta deseá di kombiná e bon ambiente ku un sena. Tambe, durante di e presentashon e diferente restorant i barnan lo ofresé bebida ku promoshonnan fantástiko pa Kings Night! Kòrda ku espasio ta limitá, yen ta yen;bin tempran pa sigurá bo entrada!