NOS SELEKSHON NASHONAL FEMENINO U-17 TA NA REPÚBLIKA DOMINIKANA PA E SEGUNDO BUÈLTA DI E CONCACAF WOMEN’S U-17 CHAMPIONSHIP!

NOS SELEKSHON NASHONAL FEMENINO U-17 TA NA REPÚBLIKA DOMINIKANA PA E SEGUNDO BUÈLTA DI E

CONCACAF WOMEN’S U-17 CHAMPIONSHIP!

 

 

Manera ya nos a anunsiá nos selekshon nashonal femenino a klasifiká pa e segundo buèlta di e CONCACAF Women’s U-17 Championship i lo mester topa ku e number 1 di grupo G. Den e kaso aki Merka a resultá e number 1 i nos lo enfrentá Merka djasabra awor, 30 di aprel 2022.

 

Awe mainta nos selekshon a biaha pa Repúblika Dominikana pa e kontinuashon di e torneo aki. Nos selekshon a yega bon i lo kontinuá ku e preparashonnan pa nos promé partido di e segundo buèlta ku lo tuma lugá den Stadion Cristóbal Panamerican pa 4’or di atardi. Importante pa informá ku e segundo buèlta aki ta wòrdu hungá den forma di ‘knockout’. Esei ta nifiká ku e ekipo ku gana ta avansá pa e kuart final, miéntras esun ku pèrdè lo regresá kas. Preparashonnan ta kontinuá pa nos selekshon logra sali viktorioso i sigui den kontienda pa e kampionato aki.

 

FFK ta deseá nos selekshon nashonal femenino U-17 tur klase di éksito durante nan partido di e segundo buèlta di e CONCACAF Women’s U-17 Championship kontra Merka aya na Repúblika Dominikana.

 

28 aprel 2022