Violensia públiko ku detenshon.

KOMUNIKADO DI PRENSA 230 /2022
01 mei 2022
Violensia públiko ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 30 di aprel 2022 alrededor di 19.58’or, Sentral di Polis a risibí informashon di un
kaso di bringamentu grandi ku tabata tumando lugá na altura di un snèk na e krusada Berg
Altena i Oosterbeekstraat.
Mesora a dirigí varios unidat polisial na e sítio.
Na yegada di e unidatnan, nan a bin topa un grupo basta grandi di hende bringando.
For di investigashon preliminar a sali na kla, ku dos hòmber tabatin diskushon ku otro i
despues mas persona ku tabata na e sítio a bai entremeté den e asuntu aki, ku
konsekuensia ku esaki a eskalá i bira un bringamentu entre esnan presente.
Durante di e bringamentu aki, algun persona lo a maltratá otro tambe ku diferente opheto.
Polis a hasi detenshon di seis persona den e kaso aki, di kua tres hende muhé i tres hende
hòmber.
Despues di a presentá e sospechosonan aki dilanti di un fiskal ouksiliar i interogashon, a
enkarselá un hende muhé i dos hende hòmber pendiente di mas investigashon.