Análisis di krimenan di impakto haltu.

 

KOMUNIKADO DI PRENSA 233 /2022
03 mei 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Krímennan di impakto haltu durante di e periodo di 4 pa 10 di aprel 2022 a duna e siguiente
resultado.
Atrako
Tabatin un (1) kaso di atrako. E atrako a tuma lugá dia 25 di aprel alrededor di 13.58’or.
El a tuma lugá na e Mirador na Sta. Martha.
Ladronisia di vehíkulo
Den e periodo polis a raportá tres (3) kaso di ladronisia di outo.
E vehíkulonan a keda hortá riba djaweps, djasabra i djadumingu entre 02.00’or i 05.00’or.
E outonan ku a keda hortá ta di Kia Rio.
A bai ku vehíkulonan for di Riouwstraat, Soledad bij Janboos i Marsweg.

Kiebro den kas
Polis a registrá diesun (11) kiebro den kas. Mayoría di e kiebronan aki a tuma lugá riba
djárason i djasabra entre 11.00’or i 15.00’or i malechornan a penetrá dor di kibra òf fòrsa
bentana di kamber i di kushina.
E kiebronan aki a tuma lugá na e.o. Ronde Klip, Montaña Abou, Louisianaweg, Lelienberg,
Kaya Harmonia, Kaya Dodo Palm i Barber.
Kiebro den negoshi
A konfirmá 4 kiebro den negoshi i mayoria a tuma lugá riba djaluna, djamars i djaweps
entre 02.00’or i 04.00’or.
Malechornan a penetrá den e edifísionan dor baha via di dak òf kibra hèkwerk.
E áreanan na unda e kiebronan aki a tuma lugá tabata Pater Eeuwensweg, Kaya Aura E.
Winkel i Julianaplein.
Kiebro den outo
Tabatin sinku (5) kiebro den outo, ku a tuma lugá riba djamars entre 17.00’or i 18.30’or i
entre 20.00’or i 21.00’or.
E método ku mas e malechornan a usa tabata sea kibra e bentana na man robes parti
patras.
E sítionan na unda a kibra den outo tabata Winston Churchillweg, Pietermaai, Nikibokoweg,
Kaya Aurora, Kaminda Mgr. Dr. Amado Romer.
Violensia relashonal
Polis mester a atendé diesdos (12) kaso di violensia relashonal, di kua mayoria a tuma lugá
riba djamars.
Mayoría di e kasonan aki a tuma lugá entre 00.00’or i 01.00’or.
E áreanan kaminda ku polis mester a duna asistensia pa e tipo di violensianan aki, tabata for
di Brakkeput te ku Juan Hato.

This site uses Akismet to reduce spam. Learn how your comment data is processed.

%d bloggers like this: