Reunion Tripartite entre e delegashonnan di Parlamento di Kòrsou Aruba i Sint Maarten!
Philipsburg- Awe djamars dia 3 di mei 2022 e delegashonnan Parlamentario di Kòrsou, Aruba i Sint Maarten a reuní ku otro den e asina yama Reunion Tripartite ku sa tene promé ku e Konferensia IPKO kuminsá. E reunion a kuminsá ku un diskurso di bon bini di e Presidente di Parlamento di Sint Maarten señora Grisha Heyliger Marten sigui pa diskursonan di e Presidente di Parlamento di Kòrsou señora Charetti America-Francisca i señor Edgard Vrolijk Presidente di e Parlamento di Aruba, Parlamento di Kòrsou ta presente ku su delegashon ku konsistí di miembronan di e Komishon figo di Asuntunan di Reino i Relashonnan Eksterior inkluso nan koleganan Parlamentario opservador.
Deskripshon di e potrèt:
Di robes pa drechi: sr. Quincy Girigorie lider di frakshon PAR , sr. Gioke Maduro asesor hurídiko Grefi di Parlamento, sra. Charetti America-Francisca Presidente di Parlamento, sr. Amerigo Thode Presidente Komishon figo Asuntunan di Reino i Relashonnan Eksterior, sr. Silvin Cijntje Grefir di Parlamento, sr. Sheldry Osepa lider di frakshon PNP, sra. Giselle Mc. William frakshon MAN, sr. Rennox Calmes lider di frakshon TPK, sr. Michelangelo Martines lider di frakshon KEM, sr. Gwendell Mercelina jr. frakshon PNP, sra. Corinne Djaoen-Genaro frakshon PNP.
