Kaso di tiramentu ku morto.

 

KOMUNIKADO DI PRENSA 234 /2022
5 mei 2022
Kaso di tiramentu ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 4 di mei 2022 alrededor di 20.35’or, Sentral di Polis a risibí informashon ku riba e
kaminda sin nòmber entre Stadion Ergilio Hato i e edifisio di F.F.K., un tiramentu a tuma
lugá i ku tabatin un hòmber gravemente heridá riba e tereno di e sentro deportivo.
Na yegada di e promé unidat, el a topa un kantidat di mas o menos 30 kashi di bala riba
kaya i un hòmber riba e tereno ku herídanan di bala na entre otro altura di su pechu i parti
abou di su barika.
Mesora a pidi presensia di ambulans na e sitio pa transport’é ku urgensia pa Sala di
Emergensia di C.M.C., ya ku su situashon na e momentu ei tabata mustra di tabata bastante
krítiko.
E hòmber aki a risibí alrededor di 10 impakto di bala. Tambe 5 vehíkulo a risibí perforashon
di bala.
For di investigashon preliminar ku polis a realisá na e sitio a sali na kla ku un vehíkulo model
di un SUV koló blou ku glasnan skur lo a kore yega na e sitio i okupante(nan) di e outo aki a
kuminsá basha bala riba e víktima ku a trata na kore i bin kai riba tereno di e sentro
deportivo.
Mas o menos 23.00’or, informashon a drenta na Sentral di Polis, ku e víktima di e tiramentu
aki, e hòmber Sedwin G. Reigina nase na Kòrsou dia 3 di sèptèmber 1996 a fayesé a
konsekuensia di e herídanan ku el a sufri.
Polis ta hasi un apelashon na tur siudadano ku tin mas informashon tokante di e kaso aki i
ku a testiguá e insidente, pa tuma kontakto ku polis na 917 òf e number anónimo 108.

 

This site uses Akismet to reduce spam. Learn how your comment data is processed.

%d bloggers like this: