UO Brandweer & Rampenbestrijding Curacao  𝗗𝗶𝗲𝘀𝗱𝗼𝘀 𝗸𝗼𝗹𝗲𝗴𝗮 𝘁𝗮 𝗿𝗶𝘀𝗶𝗯í 𝘀𝗲𝗿𝘁𝗶𝗳𝗶𝗸𝗮𝘀𝗵𝗼𝗻 𝗱𝗶 “𝗟𝗲𝗲𝗿 𝘄𝗲𝗿𝗸𝗽𝗹𝗲𝗸𝗯𝗲𝗴𝗲𝗹𝗲𝗶𝗱𝗲𝗿𝘀”

Manera ta konosí Brantwer Kòrsou huntu ku e kuerpo di bombero di Hato, Aruba, Sint Maarten i islanan BES, ta den un trayekto di formashon di nos bomberonan. Pa por logra i mantene esaki algun bombero di brantwer Korsou, Hato i Aruba a sigui e kurso ‘leerwerkplekbegeleider’ na Aruba, duná dor di e instituto BOGO di Hulanda.

E bomberonan aki awor ta mentornan rekonosé den reino Hulandes ku por duna guia na koleganan bombero riba e nivel di ‘manschap’.

Brantwer Kòrsou ku orguyo ta felisitá nos bomberonan ku nan logro i tambe gradisí nan disponibildat pa aportá na kresementu i desaroyo di nos kuerpo di Bombero. Di mes manera tambe nos ta felisitá demas koleganan bombero di Hato i Aruba ku nan logro.