Parlamentario Sheldry Osepa Mi no ta komprondé dikon ta diskutí ku Campo Alegre mester habri of nò.

Tambe mi ta haña ku ta normal ku algun iglesia ta kontra. Dimes prostitushon no ta algu ku niun iglesia por promové. Mesun kos ku sigaria, alkohòl, divorsio ta kos ku iglesia ta wak ku wowo malu. Pero laga mi ta duidelijk. Tanten nos ta na mundu, lo tin tur e kosnan aki.

Loke mi ke pa tur hende kòrda ta ku gobièrnu t’ei pa tur hende. Tantu pa nos ku ta kere, pero tambe pa esnan ku no ta kere. Esnan ku ta na Campo so nan ta logra baha nan strès, mester tin e chèns ei. P’esei, esnan ku no ta bai, kòrda riba esnan ku tin mester di dje. Pero, nunka husga niun hende paso husgamentu ta di Dios. P’esei, ami ta kere ku gobièrnu no mester stroba Campo di habri. No promové, pero tampoko strob’é. Laga kada ken biba i laga biba.