𝟑𝟐𝟓 𝐡𝐨𝐛𝐞𝐧 𝐝𝐞𝐧 𝐧𝐨𝐬 𝐤𝐨𝐦𝐮𝐧𝐢𝐝𝐚𝐭 𝐭𝐚 𝐬𝐮𝐟𝐫𝐢 𝐝𝐢 𝐒𝐚𝐥𝐮 𝐌𝐞𝐧𝐭𝐚𝐥 𝐬𝐞𝐠𝐮𝐧 𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐉𝐮𝐧𝐢𝐞𝐥 𝐂𝐚𝐫𝐨𝐥𝐢𝐧𝐚.

Awe nos ta rekonosé dia mundial di Salu Mental i durante un bishita ku nos a hasi na Klinika Capriles den kuadro di selebrashon di 90 aña di e klínika, algu notabel ku nos a bin komprondé ku e instituto di kuido tin 325 hóben registrá ku ta sufri di e malesa Salu Mental i sin konta esnan ku no ta registro i no ta apresiá ku minister Boekhuodt ku ta enkargá ministerio Salubridat tin atenshon pa ku e situashon i nos ta felisitá tur esnan ku ta enkargá i duna kuido na pashèntnan ku ta sufri di e malesa Salu Mental

Señor Presidente, personal di Griffie, LBD, Koloboladornan i Koleganan,

Promé ku tur kos, mi ke tuma un momentu pa honra memoria di nos kolega, Señora Ruth Martis, ku a traha den sektor di limpiesa komo medewerkster Intieruerverzorging ku hopi dedikashon i amor pa su trabou.

E tabata un persona amabel, respetuoso i semper dispuesto pa yuda. Hende manera e sra aki ta forma un parti esensial di nos institushon, aunke hopi biaha nan trabou no ta bira visibel pa tur hende.

Mi kier ekspresá mi kondolensia na su famia, amigu, amiga , amistatnan i tambe na tur su koleganan.

Sr presidente tambe mi kier deseá tur persona den parlamento i grifie hopi forsa i kurashi den e momentunan aki difísil i tambe pa e atenshon i dedikashon ku a duna na señora Ruth Martis.

Mi mes, sr presidente no a por tabata presente na su despedida final, pasobra mi tabata den eksterior, pero mi ta keda ku hopi apresio pa tur loke e la sirbi i representá den sala di parlamento, na Griffie i den ofisina di edifisionan di parlamento di Kòrsou.

Sr presidente basa riba un mail fecha 28 di aprel 2026 ku miembronan di parlamento a risibí di Griffie, nos a komprondé, ku Komishon Doméstiko a bai di akuerdo kaba ku e Konsepto Presupuesto 2027.

Sr presidente despues di pasa i revisá e presupuesto 2027 di Staten / Parlamento pa loke ta trata dokumentunan o informashonnan risibí. Mi por bisa ku e presupuesto den su totalidat no ta for di balansa, pero sí tin algun punto ku mester di atenshon, klarifikashon i posibel korekshon.

Tin bahada drástiko den Staten su presupuesto tokante hür edifisio post 4351 pa presupuestonan 2029 i añanan despues

Un splikashon ta na su lugá ?

Gastu di uso di koriente di Staten ta keda haltu pa próksimo añanan. Nos ta di opinion ku mester wak kon ta bai baha esakinan, ku kampaña interno di informashon.

Post 4421 – Huur en Lease vervoermiddel / 4422 – Onderhoud voertuigen . Nos a tuma nota ku Staten a invertí i kumpra un vehíkulo elektróniko, konta bai ku e vehíkulo aki i ku e resultá bon i tambe na unda e vehíkulo ta wòrdu rekargá? Un splikashon ta na su lugá ?

E otro 2 otro vehíkulonan di Staten ta di lease. Nos a tuma nota ku tin gastu pa loke ta trata pa paga seguro, number di outo i servisio di mantenshon. Un splikashon ta na su lugá. Di otro banda nos ta di opinion ku si ta lease e mantenshon mester ta envolví den kontrakt.

Señor presidente pa loke ta trata post 4374’telefoon en fakskosten’. Nos ke sa ku Staten / Parlamento ta usa faks ainda? Nos ta mira un suma di 300.000xcg. Anto sr presidente den un tempu unda fax praktikamente no ta eksistí mas i ta digitalisashon ta dominá, sigur esaki ta lanta preguntanan o un splikashon.

Anto señor presidente nos ta hasi petishon pa kita e fax si fax no ta eksistí.

Post – 4378 Publieke voorlichting próksimo 5 añanan 585 000 florin. Señor presidente pregunta :

Tabatin Publieke voorlichting den aña 2026, Si e kontesta ta si, na unda nan a tuma lugá i kua ta planiá pa tuma lugá próksimamente? Tin plan o un agènda traha te ku desèmber 2026 ? Si e kontesta ta si, parlamento por risibí un kopia di esaki ?

Señor presidente, komo presidente di Staten pa e echo parlamento a kuminsá risibí korant Antiliaansdagblad online digital i nos ta spera ku Extra, Vigilante i korant Amigoe tambe mas pronto tambe yega den un forma digital serka miembronan di parlamento. Banda esaki tambe nos ta felisitá presidente di Staten pa e echo ku e Radio di Parlamento 102.5 a drenta den aire i e pregunta ta na su lugá ku ta ken ta bai manehá e radio di parlamento aki ?

Señor presidente, pa loke ta trata trahadónan di Grifie den e sektor di schoonmaak / Interiuerverzorgerster ta pendiente di un pago kompensashon atrasá i ahuste salarial. Kon ta para ku esaki ? unda den presupuesto nos por mira esaki ? Un splikashon ta na su lugá.

Señor Presidente pa terminá, e pregunta i remarkenan trese dilanti no ta solamente kritiká, pero mas bien pa pidi mas transparensia.

Señor presidente komo miembro di parlamento nos tin un responsabilidat di budget recht pa kontrolá e maneho di fondo públiko ku máksimo seguridat i responsabilidat i pa e motibunan aki mi ta hasi un yamada pa revisá, mas splikashon e postnan menshoná, klarifiká i si ta nesesario, hasi e korekshonnan adekuá.