MINISTER MIDDELHOF TA BISHITÁ BARKU ARC ESCUELA GLORIA DI COLOMBIA

Djaluna, 4 di mei 2026, durante di Velas Curaçao Rendez-Vous 2026, Minister di Desaroyo Ekonómiko, Dr. Roderick Middelhof, a bishitá e barku ARC Escuela “Gloria” di Colombia, kaminda el a wòrdu invitá na un almuerso formal riba bordo, den presensia di entre otro, Kapitan de Navío Héctor Nicanor González León i Almirante Juan Ricardo Rozo Obregón. Diferente tópiko interesante tokante Colombia i Kòrsou a wòrdu dialogá na mesa.

Den un ambiente diplomátiko, Minister tabatin e honor di risibí un “Placa Oficial de Visita al Buque ARC Gloria” serka Kapitan de navio Hector Nicanor Gonzalez Leon i tambe un “Placa de Reconocimiento” serka Almirante Juan Ricardo Rozo Obregón.

Velas Curaçao Rendez-Vous 2026 sigur tabata un éksito kaminda diferențe barku di bela for di Colombia, Peru, Spaña i Uruguay, a bishitá Kòrsou i interkambia kultura i historia ku lokal i turistanan.