Trabou pa Korsou TPK, Calmes: “COVID-19 konfirmá di ta fabriká dor di man humano
COVID-19 konfirmá di ta fabriká dor di man humano
Senado Merikano ya kaba tin 10 senador ku ta sostené e legislashon
“Fire Fauci Act”
Trabou pa Kòrsou TPK (TPK) a tuma nota di e último akontesimentunan na Merka ku un Senador, representante di estado di Georgia, Marjorie Taylor Greene, a inisiá durante di un rueda di prensa. Senador Greene tabata huntu ku otro koleganan senador di otro estado pa presentá nan motivashon i motibu pa sostené e legislashon di “Fire Fauci Act”.
Senador Greene ta indiká ku COVID-19 ta un “man-made virus”, ku otro palabra un viro fabriká dor di man humano. Esaki debí n’e echo ku nan a haña asina tantu evidensia, a traves di e-mail nan privá ku a lèk, ku ta proba ku Dr. Anthony Fauci, direktor di U.S. National Institute of Allergy & Infections Diseases & Chief Medical Advisor to the President, a retené informashon dor di duna konsehonan kontradiktorio pa ku e viro. Tambe a keda probá ku plaka di ‘belasting’ di pais a fungi komo invershon pa e laboratorio na Wuhan, China, kaminda e viro COVID-19 a originá. I ku COVID-19 ta un “man-made virus”.
Senador Merikano ta di opinion ku medionan sosial tin muchu poder i a yuda influenshá mundu kompletu pa lokual ta trata COVID-19. Referiendo na plataformanan di medionan sosial Facebook, Twitter i Youtube, kual e ta tilda di sensurá otro sientífikonan, aktivistanan i/o ekspertonan ku tin un opinion kontrali na esnan di por ehèmpel Centers for Disease Control and Prevention (CDC) ku World Health Organization (WHO). Senador ta indiká ku esaki ta tacha libertat di ekspreshon di kada persona.
Den investigashonnan pa ku e-mailnan entre Dr. Fauci i Dr. Peter Daszak, ex-miembro i eksperto di WHO, ta indiká ku Dr. Peter a hasi uso di plakanan di ‘belasting’ pa por kondusí na un investigashon pa lokual ta trata desaroyonan di COVID-19 na e laboratorio na Wuhan, China. Senador Greene ta akusá China a base di evidensia ku a sali for di investigashonnan hasí pa servisionan di inteligensia, ku e laboratorio a krea un asina yamá“bio-weapon”. Ku otro palabra, ku ta konsientemente ta plamando un viro asina mortal, i ku mundu kompletu a bira viktima di esaki. E ta demandá un kontesta i responsabilidat di parti e laboratorio.
Senador Greene ta di opinion ku esaki ta e momentu oportuno pa retirá Dr. Fauci i tur sobra persona i/o entidatnan. E ta opiná ku mester tene nan kompletamente responsabel pa medidanan akontesí debí na e pandemia fabriká dor di man humano, ku a kousa hopi tenshon i mortonan inesesario. Senador Greene a terminá e rueda di prensa aklarando ku aki no ta trata di ningun problema republikano, demokrátiko, ni polítiko, pero ku aki ta trata di bida di tur hende na mundu.
Senador Green a hasi e siguiente pregunta: “How do you feel about being part of a human experiment with COVID-19?” Kual por sierto nos tur ta parti di dje, ultimo aña aki. E la indiká ku e bakuna no a wòrdu aprobá ahinda pa ‘U.S. Food & Drug Administration’ (FDA). Pues e bakuna no tin e status di ‘’FDA Approved” ahinda. E ta den su fase eksperimental ahinda, pues pa pueblo tene esaki na kuenta pero alabes kada ken ta liber pa skohe.
TPK su intenshon ta pa despues ku Senado Merikano kaba ku nan investigashon pa ku supuesto fabrikashon di COVID-19, pa pidi un reunion públiko den Parlamento di Kòrsou. I tambe pa invitá tur e ekspertonan ku a konsehá Gobièrnu di Kòrsou, mas bien pa sa ta for di kua fuente nan tabata risibí informashon i pa algu asina no ripití mas. Tambe TPK lo ke sa ken lo para responsabel dado kaso ku tur e lokual Senador Green ta indikando aki, resultá di ta berdat.