Minister Camelia-Römer ta introdusí tarifa di awa preferensial pa agrikultura na Fl. 3.50-, pa m³.

Minister Camelia-Römer ta introdusí tarifa di awa preferensial pa agrikultura na Fl. 3.50-, pa m³.

 

WILLEMSTAD- 7 di yüli 2020 ta marka un dia históriko pa agrikultura di Kòrsou. Durante un rueda di prensa ekstraordinario Minister Suzy Camelia-Römer di Salú, Medio Ambiente i Naturalesa huntu ku Minister Zita Jesus-Leito i tambe Minister Steven Martina, a firma e akuerdo pa implementá un tarifa di awa preferensial pa agrikultornan ku ta operá riba un base komersial I industrial. 

Anualmente Kòrsou ta importá mas o ménos 160 mion na fruta, bèrdura i karni pa konsumo lokal i di turismo. Minister Suzy Camelia-Römer su vishon na aña 2017 tabata pa supstituí importashon ku 5% pa medio produkshon lokal. 

Awe despues di 3 aña ku a elevá e sektor primario aki, Minister Suzy Camelia-Römer ta di opinion ku nos por asta supstituí importashon ku 20% awor ku nos a logra redusí e tarifa di awa na fl. 3.50 m³ pa agrikultornan. Esaki lo nifiká den mas produkshon, mihó sabor i ménos gastu operashonal. Pronto lo inisiá un trayekto di kampaña ku informashonnan relevante pa tur agrikultor ku kier bin na remarke pa e tarifa preferensial. 

Minister Camelia-Römer ta gradisí tur stakeholders ku a kontribuí pa realisá e logro aki. Danki na koleganan Minister Jesus-Leito i Martina, BTP i mas ku klaro Aqualectra.