KUERPO POLISIAL KÒRSOU 

KOMUNIKADO DI PRENSA

176/2026

12 yüni 2026 

Detenshon relashoná ku agreshon  

Den oranan di mèrdia di djaweps 11 di yüni 2026, Sentral di Polis a risibí informashon di un kaso di bringamentu ku a tuma lugá na altura di un skol den  área di Groot Kwartier i Rio Canario. 

Mesora un unidat polisial a dirigí su mes pa e sitio pa atendé ku e bringamentu  aki. 

For di investigashon a sali na kla ku sinku damita alumno di skol, a bringa ku un  otro studiante femenino. 

Na e sitio polis a hasi detenshon di un di e studiantenan enbolbí den e  bringamentu i mas despues a detené e kuater otronan. 

Despues di a interogá nan a laga nan den libertat, mientras ku fiskal di  Ministerio Públiko lo tuma un desishon den e kaso. 

Polis a kuminsá na identifiká e hóbennan den besindario tambe ku di un òf  otro forma a stimulá i/òf influensiá e bringamentu aki i tambe esnan ku tabata  graba e esena.