KUERPO POLISIAL KÒRSOU  

KOMUNIKADO DI PRENSA

175/2026

12 yüni 2026 

Detenshon relashoná ku ladronisia di piesa di outo 

Kontinuando ku investigashon den un kaso di ladronisia di outo i di piesa di  outo, e tim ku ta enkargá ku investigashon den e kasonan aki, a hasi un  detenshon. 

Durante di un entrada hudisial na un adrès den Kaya Juan Camelia, personal di  reshèrshi a detené e hòmber C.A.R. di 22 aña di edat nasé na Jamaica. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.