UPDATE #1: PERSONA PÈRDI

UPDATE #1: PERSONA PÈRDI

Awe, djabièrnè 12 di yüni, alrededor di 3.20 or di atardi, “meldkamer” sentral a risibí notifikashon tokante un hòmber pèrdí den bahia di Sorobon / Lac Cai. E hòmber a drenta laman huntu ku algun otro persona i alrededor di 1 or di mèrdia a enkontrá problema den laman pa motibu di koriente fuerte. Dos a logra yega tera pero e último no.

Polis i Koninklijke Marechaussee ku yudansa di e boto di STINAPA i CITRO pero tambe ku asistensia di hèlikòpter i e avion Dash di Wardakosta i un grupo di boluntario a buska den e bahia.

A konkluí e búskeda alrededor di 7.20 or di anochi pa motibu di skuridat i lamentablemente no a enkontrá e persona pèrdí. Lo reanudá e akshon siguiente dia mainta.

Polis ta pidi un i tur ku por a mira òf ku por tin mas informashon ku por yuda ku e búskeda, pa tuma kontakto mesora ku polis na 911, 715-8000 òf via di e liña di tep anónimo 9310.