Notifikashon tokante un persona pèrdí den bahia di Sorobon / Lac Cai.

Djabièrnè 12 di yüni, alrededor di 3.15 or di atardi, “meldkamer” sentral a risibí notifikashon tokante un persona pèrdí den bahia di Sorobon / Lac Cai. Un persona a drenta laman i te na e momentu aki no a regresá.

Polis, Koninklijke Marechaussee, STINAPA, Wardakosta i un grupo di boluntario ta na e sitio pa búskeda di e persona pèrdí.

Polis ta pidi un i tur ku por a mira òf ku por tin mas informashon ku por yuda ku e búskeda, pa tuma kontakto mesora ku polis na 911, 715-8000 òf via di e liña di tep anónimo 9310.