KUERPO POLISIAL KÒRSOU 

KOMUNIKADO DI PRENSA

221/2026

15 yüli 2026 

Hòmber ta bira malu den awa i fayesé 

Djárason 15 di yüli 2026 alrededor di 12.23’or, Sentral di Polis a risibí informashon  tokante di un hòmber ku no ta duna señal di bida na Tugboat Beach. Mesora a dirigí un  unidat di warda di polis di Montaña i un unidat di Politur pa e sitio. 

Na nan yegada nan a bin topa un hòmber turista di nashonalidat Hulandes ku tabata na  kantu di e playa pero ku ya no tabata duna señal di bida. 

For di investigashon preliminar a sali na kla ku e víktima a enkontrá komplikashon durante ku e tabata sambuyá. Ku yudansa di personanan ku e tabata huntu kuné, nan a  tres’é kantu mientras ku a trata na reanim’é. 

Ambulans a presentá, pero esaki tabata enbano. 

Lamentablemente e no a sobreviví e komplikashonnan i a fayesé na e sitio. 

Dòkter di polis a konstatá morto di e hòmber Michael D. Van de Wetering nasé dia 4  di sèptèmber 1977 na Hulanda.