Detenshon relashoná ku kaso di akto inmoral.

KOMUNIKADO DI PRENSA 182 / 2020
28 aprel 2020
Detenshon relashoná ku kaso di akto inmoral.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku un investigashon i a base di informashon ku polis tabata optené relashoná
ku un kaso di aktonan inmoral ku a tuma lugá 14 di aprel 2020 den área di Otrobanda, polis
a detené un hòmber sospechoso.
Djamars 28 di aprel 2020, alrededor di 16.55’or polis a detené e hòmber C.E.V. nasé na
Kòrsou, di 23 aña di edat, pa kua tabatin òrdu di búskeda i detenshon relashoná ku e kaso
ariba menshoná.
Detenshon a tuma lugá na un kas den área di Souax. Na momentu di detenshon polis a topa
e sospechoso ku un kuchu den su poder i a konfiská esaki.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.