Alerta pa kabritu hortá riba merkado
KUERPO POLISIAL KÒRSOU
KOMUNIKADO DI PRENSA
222/2026
15 yüli 2026
Alerta pa kabritu hortá riba merkado
Den oranan di mardugá di djarason 15 di yüli 2026, a tuma lugá un ladronisia di un kantidat grandi di kabritu den área di Roi Santu.
Polis ta investigando e ladronisia aki pa rekobrá e kabritunan pero tambe pa hasi detenshon di esnan ku a hasi nan mes kulpabel na e akto aki.
Sinembargo, polis ta hasi un yamada na siudadanonan, pa no kumpra kabritu ni karni di e bestianan aki serka ningun individuo, ku no ta na establesimentunan ofisial ku ta bende karni.
E anti-sosialnan aki lo ta tratando pa sali for di e bestianan hortá i ta pone nan na benta.
Tene kuenta ku kumpramentu di merkansia hortá ta kastigabel pa lei.
Si bo keda aserká pa personanan ku ta ofresé sea kabritu òf nan karni, tuma kontakto inmediatamente ku polis na e number di telefòn 917.
Personanan ku ta disponé di informashon tokante di e ladronisia aki, sea asina bon di mèldu esaki na e number anónimo 108.

