Minister Pisas i Minister Cooper ta reuní ku organisashon di Kunuku Man
relashoná ku programa di resiklahe

Willemstad – Resientemente tabatin un reunion entre Minister Pisas huntu ku Minister
Cooper i e organisashon di Kunuku Man kual a tuma lugá na ofisina prinsipal di
Ministerio di GMN na Colon. Durante e reunion aki e organisashon di Kunukuman a
duna un presentashon di e programa di resiklahe di e organisashon. Resiklahe ta un di
solushonnan pa redusí desecho i e problemátika di shushi aki na Kòrsou.
Resiklahe tin vários bentaha pa nos:
E ta protehá medio ambiente i ta redusí e kantidat di shushi na landfill.
E ta spar materia prima pa traha papel, glas, metal i plèstik.
E ta uza ménos energia kompará ku produsí material nobo for di materia prima.
E ta baha emishon di gasnan ku ta kontribuí na kambio di klima.
E por kreá trabou den sektor di kolektá, prosesá i fabrikashon.
E promé aserkamentu aki tabata pa duna e presentashon i risibí feedback di
Ministernan Pisas i Cooper. Pronto lo reuní atrobe pa yega na palabrashonnan konkreto
relashoná ku ehekushon di e programa di resiklá glas, plèstiek i aluminium. Riba potrèt
por mira Minister Pisas huntu ku Minister Cooper, kolaboradónan di GMN i e
organisashon di Kunuku Man.