Monitoreo preventivo di Hantavirus pa Kòrsou

Ministerio di Salubridat, Medio Ambiente i Naturalesa (GMN) ta informá pa medio di e komunikado aki tokante e ultimo desaroyonan internashonal relashoná ku Hantavirus.

Hantavirus ta un vírùs ku por ser transmití mediante kontakto ku urina, fekalia, skupi of mordé di djaka i/of raton infektá. E virus ta biba den populashon di djaka i ratonnan salvahe ku nos no tin na Kòrsou. E chèns di kontagio di hende pa hende ta hopi chikitu.

Gobièrnu di Kòrsou a tuma nota di e reportahenan i observashonnan di kasonan di Hantavirus na nivel internashonal. A base di e informashonnan aktual, no tin un menasa direkto pa Karibe inkluso Kòrsou.

Ministerio di GMN ta keda den estrecho monitoreo di e malesa di Hantavirus. Esaki ta enserá entre otro ekstra atenshon riba barkunan krusero den nos area.

Ministerio di GMN ta enfatisá ku bon koperashon entre partnernan públiko i privá ta esensial pa protehá salubridat públiko, ademas lo sigui monitoriá e situashon internashonalmente i lokalmente. Si ta nesesario, lo sigui informá komunidat debidamente.

Tyron Boekhoudt
Minister di Salubridat, Medio Ambiente i Naturalesa 

Pa mas informashon por tuma kontakto ku hefe di departamentu ku ta kombatí malesanan infeksioso (IZB)

+59995231530