Komishon sentral di Parlamento a trata “Presentashon tékniko ku ekspertonan enkuanto konsekuensianan di un posibel separashon di un Banko Sentral kompartí” i “Konsepto di presupuesto di Parlamento di Kòrsou pa aña 2027”.

Djárason 6 di mei 2026, Parlamento e reuní den un Komishon Sentral pa trata 2 punto di agènda. Presidente di Parlamento sr. Fergino Brownbill a posponé tratamentu di punto 1 “Presentashon tékniko ku ekspertonan enkuanto konsekuensianan di un posibel separashon di un Banko Sentral kompartí”, te un próksimo aviso.

A kontinuá ku tratamentu di konsepto di presupuesto di Parlamento di Kòrsou pa aña 2027. Pa e punto di agènda aki Miembronan di Parlamento a hasi pregunta den e uniko tanda, ku despues di pousa kòrtiku, Presidente di Parlamento, a kontestá. Parlamento di Kòrsou a bai di akuerdo ku e konsepto di presupuesto di Parlamento di Kòrsou pa aña 2027.

Despues a sigui ku un punto di agènda adishonal “Proposishon pa stipulashon di komishon di Parlatino Comisión Especial del Caribe.”Parlamento a bai di akuerdo pa un miembro di Frakshon di MFK i un miembro di Frakshon di PNP forma parti di e komishon aki.

Presidente di Parlamento sr. Fergino Brownbill, a skòrs e reunion te un próksimo aviso